الا دموعك ......



كل شي .. إلا دموعـك .. جعلـي لعينـك فـدى  


بس .. لاترخص دموعك .. وانت لك هالصدر بيت  


ناظرينـي .. جيتـك مقيد بصوتـي والصـدى


ناظرينـي .. والله انـي لآخـر دموعـي بكيـت


علميني وش بقـى منـي .. ومنـي وش غـدى


علميني وش خذت الأيـام منـي .. وش عطيـت

ادري إن احـلام عمـري ضايعـه منـي سُـدى

وادري اني كل ماجيـت ارتـوي منّـك ضميـت

اذكريني .. كثر ماشفتـي علـى اطرافـي نـدى

واذكريني .. كثر ما ماتـت بـي احـلام وحييـت
 
واذكريني .. كثر ما ضاقـت بـي دروب المـدى

واذكريني .. كثر ما خانتني اقـدار ووفييـت

واذكريني .. كثر مـا جنّبـت عـن درب الـردى

واذكرينـي .. كثـر مـا للعـز والعليـا رقيـت
 
خابر اني .. لعتزيت .. الملم جروح العـدى

مافرح فينـي ((عـدو)) وخابـر انـي لعتزيـت
 
كم رفيق(ن) عاش فيني ..عاش فينـي واهتـدى

وكم رفيق(ن) زل فيني .. زل فينـي واستحيـت
 
والله اني .. كل شـي اقـواه منـي .. ماعـدى

اني اصبح خاينك .. عـز الله انـي مـا قويـت

كيف اخونك (وانتي أول) مـن تفرعنبـي هـدى

كيف اخونك (وانتي أول) من على صدره شكيـت
 
اعذريني .. كان حظـي عاثـر .. ومابـه جـدى

اعذريني .. كل ماجيت ابتـدي درب .. انتهيـت
 
كل شي .. إلا دموعـك .. جعلـي لعينـك فـدى

بس .. لاترخص دموعك .. وانت لك هالصدر بيت



0 التعليقات:

إرسال تعليق

نبذه عن المدونة

لست ممن يجيدون ترتيب آلحروف وتنميق آلكلمآت وتنسيقهآ ..
اتكلم بعفويهـ .. افضفض عمآ بدآآآخلي دون التفكير بمآ اقول ..!!
قد يكون احياناً كآلطلآسم بالنسبهـ لكم .. وفي احيآن اخرى قد يكون كالكتاب المفتوح ..!!

{طيشي وجنوني} ..{حزني وفرحي} .. {صمتي وثرثرتي} .... هي ماسوف تجدونه هنآ ..!!
هنآآآآ ساطلق العنآن لقلمي فــ هنآ متنفس خآآآآص بي .. وليس كل مآيتم طرحه هنآ من نبضـ { حروفي وقلمي } ..!!

قسم ( من عبث قلمي ) تعبي ومجهودي فممنوع نقلها بأي طريقه وما احلل ناقلها !!!
لاتبخلون علي بتعليقكم والنقد ... وبكل سعه خاطر راح اتقبلها ..
\غموضـ انثى\

ROZY. يتم التشغيل بواسطة Blogger.